• كه‌ره‌سته‌ی ناو حه‌مام تایبه‌ت به‌ منداڵان
له‌لایه‌ن: ماڵپه‌ڕی خوشكان  -    11/3/2007

منداڵیش هه‌روه‌كو گه‌وره‌ كه‌سایه‌تی خۆی هه‌یه‌ و جێی دڵخۆشییه‌تی گه‌ر له‌لایه‌ن په‌روه‌رده‌كارێوه‌ بایه‌خی پێ بدرێت و وه‌كو گه‌وره‌كان له‌ هه‌ندێ شتدا ئه‌ویش هی خۆی هه‌بێت، زۆر جاریش گه‌ر بته‌وێت هانی بده‌یت بۆ ئه‌وی ئه‌ركه‌كانه‌ی كه‌ له‌سه‌رێتی ئه‌نجامی بدات باشتر وایه‌ شتی دڵخۆشكه‌ری بۆ دابین بكه‌ین، بۆ نمونه‌ گه‌ر بته‌وێت گرنگی به‌ دانه‌كانی بدات شتێكی باشه‌ فڵچه‌و كرێمی دان تایبه‌ت به‌ خۆی هه‌بێت تاكو دڵی پێی خۆش ببێت و زیاتر هانی بده‌یت بۆ ششتنی دانه‌كانی، چونكه‌ له‌وانه‌یه‌ هه‌ر له‌خۆشی فڵجه‌ مناڵیانه‌و كرێمه‌ تام خۆشه‌كه‌ی ڕۆژانه‌ ده‌می خۆی بشوات ته‌نها به‌ ووتنێك..

جوانی په‌رده‌ی حه‌مام له‌زۆر كاتدا په‌یوه‌سته‌ به‌ چه‌ند شتێكه‌وه‌.. وه‌كو جۆری قوماش و په‌رده‌كه‌ وه‌ شێوه‌ی دیكۆر و نه‌خشه‌كانی، هه‌روه‌ها ئه‌و ئه‌ڵقانه‌ی پێوه‌ی هه‌ڵئه‌واسرێت.. به‌ڵام چه‌ند ورده‌كاریه‌كی ساكار هه‌ن كه‌ كاریگه‌ریان هه‌یه‌ بۆ زیاتر جوانكردنی په‌رده‌كه‌و ڕووكه‌شێكی تایبه‌تی پێ ئه‌به‌خشێت كه‌ ڕه‌نگدانه‌وه‌ی زه‌وق و هه‌ستێكی تایبه‌ته‌ ته‌نانه‌ت گه‌ر ئه‌و په‌رده‌ش تایبه‌ت بێت به‌ناو حه‌مام.

ئه‌مانه‌ی خواره‌وه‌ش بریتین له‌ وێنه‌ی چه‌ند حه‌مامێكی زۆر ڕاقی و جوان كه‌ هه‌ریه‌كه‌یان به‌شێوازی تایبه‌ت و به‌ كه‌ره‌سته‌ی پێویستی ناو حه‌مام ڕازاندراوه‌ته‌وه‌، هه‌ریه‌كه‌ به‌ ڕه‌نگی تایبه‌ت دروست كراون و حه‌وزی مه‌له‌كردنه‌كه‌ش به‌ وێنه‌ی سه‌رنجڕاكێش نه‌خشراون تاكو ئه‌وه‌تده‌ی تر دیكۆڕه‌كه‌ جوانتر بكات.

ئه‌وه‌ی ئه‌مڕۆ پێویسته‌ له‌هه‌موو حه‌مامێكدا هه‌بێت چه‌ند كه‌ره‌سته‌یه‌ك وه‌كو قوتویه‌ك بۆ فڵچه‌و كرێمی دان هه‌روه‌ها قوتیه‌كی تر بۆ سابونی شله‌ بۆ ده‌ستششتن، هه‌روه‌ها هه‌ڵگری سابون و چه‌ند شتێكی تر به‌پێی پێویستی هه‌رماڵێك.. زۆرب جار ئه‌م كه‌ره‌ستانه‌ هه‌موو پێكه‌وه‌ وه‌كو تاقم له‌یه‌ك شێوه‌ دروست كراون. ئه‌وه‌ی لێره‌شدا دانراون چه‌ند تاقمێكن له‌و جۆره‌ كه‌ره‌ستانه‌ به‌وێنه‌ دانراون تاكو بیرۆكه‌یه‌كیان لێ وه‌رگیرێ.

لێره‌دا وێنه‌ی چه‌ند شێوه‌یه‌كی ده‌ستشۆر واته‌ مه‌غسه‌له‌ ئه‌خه‌ینه‌ به‌رده‌ست كه‌ هه‌ریه‌كه‌و شێوه‌یه‌كی تایبه‌تی و جوانی خۆی هه‌یه‌.. ده‌ستشۆره‌كان زیاتر له‌شێوه‌ی دۆڵاب یان بۆفیه‌ دروست كراون و شێوه‌یه‌كی تایبه‌تی پێ به‌خشیوه‌.. كه‌واته‌ له‌م شوێنه‌شدا ئه‌توانین بیڕازێنینه‌وه‌و جوانیه‌كی ئه‌وتۆ ببه‌خشین به‌ دیكۆری ماڵه‌كه‌مان.. له‌ وێنه‌كانیشدا چه‌نده‌ها بیرۆكه‌و تێبینی به‌سودمان بۆ دروست ئه‌بێت.