ڕۆڵی په‌رده‌ له‌ دیكۆری ناوماڵدا

گرنگی په‌رده‌ له‌ناو ماڵدا به‌پێی كار و پێویستیه‌كه‌ی ده‌رئه‌كه‌وێت، بۆ نمونه‌ شوێنی وه‌ها هه‌یه‌ له‌ناو ماڵدا په‌رده‌ی تیادا هه‌ڵواسراوه‌ كه‌ بۆته‌ به‌شێكی سه‌ركی دیكۆری ئه‌و ژووره‌، به‌ڵام شوێنی تری ناو ماڵ هه‌یه‌ كه‌ ئه‌و په‌رده‌ی تیادا هه‌ڵواسراوه‌ ته‌نها بۆ به‌خشینی جوانیه‌كه‌ به‌ دیكۆری گشتیی ناو ژوره‌كه‌.

به‌ڵام له‌هه‌ردوو حاڵه‌ته‌كه‌دا ئه‌بێت په‌رده‌ی گونجاو هه‌ڵبژێردرێت له‌ڕویی شێوه‌و ڕه‌نگ و درێژی و پانتاییه‌كه‌یه‌وه‌ به‌ ڕه‌چاوكردنی گونجانی له‌گه‌ڵ دیكۆر و كه‌لوپه‌له‌كانی ده‌وروبه‌ری و ناو ئه‌و ژووره‌ی تیایدا هه‌ڵئه‌واسرێت.

ئه‌و شوێنانه‌ی پێویستی به‌ هه‌ڵواسینی په‌رده‌ هه‌یه‌ له‌ناو ماڵدا:

1- ژووری نوستنی سه‌ره‌كی و ژووری نوستنی مناڵان، ئه‌ویش بۆ ئه‌وه‌ی ژووره‌كه‌ تاریك بكات بۆ حه‌وانه‌وه‌ له‌كاتی نوستندا و هه‌روه‌ها پاراستنی تایبه‌تمه‌ندێتی ژووره‌كه‌..

2- ژووری دانیشتن و مه‌دخه‌له‌كان كه‌ بۆ نمونه‌ ژوری دانیشتن و هۆڵه‌كه‌ جیا ئه‌كاته‌وه‌ یان ژوری دانیشتن و هۆڵی نانخواردن، چونكه‌ ئه‌م مه‌دخه‌ل و شوێنانه‌ پێویستی به‌ ڕێگر و په‌رده‌ هه‌یه‌ تاكو هه‌رشوێنه‌و له‌وی تر جیا ببێته‌وه‌.

ئه‌و شوێنانه‌شی كه‌ په‌رده‌ تیایدا هۆیه‌كی جوانی و ڕازاندنه‌وه‌یه‌:

ژوری میوان و ئه‌و په‌نجه‌ره‌و ده‌رگایانه‌ی كه‌وتۆته‌ سه‌ر پاخچه‌ و مه‌دخه‌لی قادرمه‌ گه‌ر له‌ناو ماڵه‌وه‌ بێت و هه‌روه‌ها مه‌دخه‌ل و هۆڵی چونه‌ سه‌ر ئاو و حه‌مام.

په‌رده‌ له‌م شوێنانه‌ به‌ گشتی ته‌واوكه‌ری دیكۆره‌كه‌یه‌ به‌و شێوه‌ جوانی و مۆدێله‌ جۆراوجۆره‌وه‌ی هه‌یه‌تی.

چه‌ند نمونه‌یه‌ك

ژوری نوستن وه‌كو له‌خواره‌وه‌ ئه‌بینرێت، لێره‌دا په‌رده‌كان پێویستی به‌ شێوه‌كاری تایبه‌ت هه‌یه‌ تاكو بگونجێت له‌گه‌ڵ قه‌باره‌ی جۆراوجۆری په‌نجه‌ره‌كان.

له‌ وێنه‌ی خواره‌وه‌: ژورێكی نوستنه‌ دوو په‌نجه‌ره‌ی هه‌یه‌ و لێره‌ش ئه‌بینین په‌رده‌كان جوانن و به‌ شێوه‌كاریه‌كی ساده‌و ساكار دروستكراون و له‌ڕه‌نگیشدا گونجاون له‌گه‌ڵ تاخمی سیسه‌مه‌كه‌.

ژوری نوستنی مناڵان: ئه‌بینین په‌رده‌كه‌ پڕه‌ به‌ نه‌خش و وێنه‌ی جۆراوجۆر كه‌ گونجاوه‌ بۆ مناڵان.

له‌خواره‌وه‌ش: ژوری دانیشتن كه‌ به‌سه‌ر باخچه‌وه‌یه‌ و ئه‌بینین په‌نجه‌ره‌ی گه‌وره‌ی هه‌یه‌ و به‌چه‌ند به‌شێكه‌، لێره‌ش به‌پێی قه‌باره‌ی په‌نجه‌ره‌كه‌ په‌رده‌یه‌كی به‌ شێوه‌ی جوان دروست كراوه‌. 

ئه‌مه‌ش ژوری دانیشتنه‌ كه‌ په‌نجه‌ره‌ی زۆره‌ و بۆ هه‌موو په‌نجه‌ره‌یه‌ك په‌رده‌یه‌كی بۆ دانراوه‌ و جگه‌ له‌وه‌ش به‌ ته‌خته‌ی ته‌نك په‌نجه‌ره‌كان گیراوه‌، بۆیه‌ لێره‌ په‌رده‌كه‌ به‌شێوه‌یه‌كی ساده‌ دروست كراوه‌و له‌سه‌رووی په‌نجه‌ره‌كه‌وه‌ دانراوه‌.

دوو وێنه‌ی خواره‌وه‌: په‌رده‌كان له‌سه‌ر ده‌رگا یان په‌نجه‌ره‌ی به‌سه‌ر باخچه‌كه‌وه‌یه‌ كه‌ به‌شێوه‌یه‌كی جوان دروست كراوه‌ بێ ئه‌وه‌ی شێوه‌و ڕوخساری سه‌ره‌وه‌ی ده‌رگاكه‌ بشارێته‌وه‌ كه‌ ئه‌ویش خۆی له‌خۆیدا شێوه‌یه‌كی جوانیه‌.

په‌رده‌كه‌ لێره‌ كارێكی سه‌ره‌كی هه‌یه‌ ئه‌ویش وه‌كو ڕێگر و دیوارێكه‌ ژوری نان خواردن جیا ئه‌كاته‌وه‌ له‌ شوێنێكی تری ناو ماڵه‌كه‌.

وێنه‌ی خواره‌وه‌: په‌رده‌كان له‌م حه‌مامه‌دا دوو ڕۆڵ ئه‌بینێ: له‌لایه‌كه‌وه‌ جوانیه‌كی تایبه‌تیه‌ بۆ شوێنه‌كه‌ به‌ ساده‌یی و ساكاری خۆی و ڕه‌نگێكی سپی كراوه‌ی هه‌یه‌، له‌لایه‌كی تره‌وه‌ ئه‌و په‌رده‌یه‌ی خوارووی ده‌ست شۆره‌كه‌ (مه‌غسه‌له‌) بۆ شاردنه‌وه‌و داپۆشینی خواره‌وه‌یه‌ كه‌ ڕه‌نگه‌ جوان نه‌بێت ده‌ركه‌وێت یان بۆ پاراستنی دۆڵاب و كه‌وه‌نته‌ر و كه‌ره‌سته‌ تایبه‌ته‌كانه.

لێره‌ش په‌رده‌ی هۆڵه‌كه‌ جوانیه‌كی زۆر ئه‌به‌خشێت به‌ شوێنه‌كه‌ و دیكۆرێكی ڕازاوه‌ییه‌و هیچی تر.

هه‌ندێ نه‌خشه‌ی تر