|
|
|
|
|
 |
چیرۆكی ڕاستگۆیی |
 |
|
نهبوو نهبوو كهس لهخوا گهورهتر نهبوو, سێ هاوڕێ ههبوون ناویان شوان و باوهڕ و هێمن بوو ئهم سێ هاوڕێ یه بهیهكهوه له قوتابخانه بوون ڕۆژێك باوهڕ دوای ئهوهی نانی بهیانی خوارد و خۆی گۆڕی, دایكی سێ سێوی خسته جانتاكهیهوه و پێێ ووت: باوهڕ گیان ئهم سێوانهت بۆ ئهخهمه جانتاكهتهوه له قوتابخانه دهری بهێنه و لهگهڵ هاوڕێكانت بهشی بكهن و بیخۆن. باوهڕیش ووتی: باشه دایه گیان. كاتێك باوهڕ له ڕێگا ئهڕۆیشت بۆ قوتابخانه له دڵی خۆیدا بیری كردهوه و ووتی: باشه بۆ ئهم سێوانه بدهم به هاوڕێكانم؟ بۆ بهشیان بدهم؟ ئهی بۆ ههمووی ههلًَنهگرم بۆ خۆم و خۆم بیخۆم؟!! ئیتر باوهڕ بڕیاری دا سێوهكان بشارێتهوه و نهیدات به هاوڕێكانی, بۆیه چوو له پهنای دارێكا چاڵێكی بچوكی بۆ ههڵكهندن و سێوهكانی شاردهوهو لهدڵی خۆیدا ووتی: كه له قوتابخانه گهڕامهوه دهریان ئههێنم و ههموویان بۆ خۆم ئهخۆم. كاتێك چوو بۆ قوتابخانه هێمن و شوان شتهكانی ناو جانتاكهیان دهرهێنا و بهشی یهكتریان دا و بهشی باوهڕیشیان دا. بهڵام باوهڕ ووتی: ببورن من هیچم پێ نی یه چونكه ئهمرۆ دایكم هیچی پێم نهداوه! پاش تهواو بوونی خوێندن, هێمن و باوهڕ و شوان بهیهكهوه گهڕانهوه بۆ ماڵهوه. كاتێك گهیشتنه لای ئهو دارهی كه باوهڕ سێوهكهی لهژێردا شاردبۆوه سهیریان كرد وا منداڵێكی تر چالًَهكهی باوهڕ ههڵدهداتهوه و سێوهكان دهر ئههێنێت. باوهڕ كه ئهوهی بینی لهپڕ هاواری كرد: نهكهی دهری نههێنیت ئهوه سێوهكانی منه! هێمن و شوان ئهم قسهیهی باوهڕیان زۆر پێ سهیر بوو بۆیه به سهرسوڕمانێكهوه ووتیان: سێوی تۆ؟! ئهی تۆ به ئێمهت نهووت ئهمڕۆ دایكت هیچی نهداوه پێت؟ !! ئیتر باوهڕ تهریق بۆوه و سهری دا خست. ئهو منداڵهش كه سێوهكانی دهر ئههێنا ووتی: ببورن ئهم سێوانه هی من نی یه, كاتێك كه هاتم بۆ قوتابخانه له پشتی باوهڕهوه بووم بینم كه ئهم سێوانهی لێرهدا شاردهوه. ئیتر باوهڕ پهشیمان بووهوه له كارهكهی و ووتی: هاوڕێیان من زۆر داوای لێ بووردن ئهكهم, من ههڵهبووم كه حهزم كرد ههمووی ههر بۆ خۆم بێت, داوای لێبوردن ئهكهم. ئیتر منداڵهكه سێوهكانی دایهوه به باوهڕ وباوهڕیش سێوهكانی بهش كرد و پهیمانی دا به هاوڕێكانی ههرگیز ئهم كاره دووباره نهكاتهوه.
منداڵه ئازیزهكان ئهوهی لهم چیرۆكهوه فێر ئهبین ئهوهیه كه: ئێمه دهبێت ههمیشه ڕاستگۆ بین و هیچ كات درۆ نهكهین لهگهڵ هاوڕێ و كهسهكانمان وه ئهوهی بۆ خۆمان حهزمان لێ بوو دهبێت بۆ برا و هاوڕێكانیشمان حهزی پێ بكهین, وه نابێت ههر خهمی خۆمان بێت و ئهوان لهبیر بكهین ههروهها ڕێگه نهدهین شهیتان شتی خراپ بخاته دڵمانهوهو وهسوهسهمان بۆ دروست بكات. لهلایهن/ ماڵپهڕی خوشكان |
||
 |
 |
|
|
|
|
|
|
