شیعر و هۆنراوه‌ بۆ منداڵانی جگه‌رگۆش

په‌روه‌رده‌م كه‌ به‌ قورئان

 

مامۆستا په‌روه‌ردم كه‌

دوور له‌ به‌ڵا و ده‌ردم كه‌

توخوا خه‌می من بخۆ

باقه‌ت فێر نه‌بم درۆ

دوورم كه‌ له‌ جنێو دان

فێرم كه‌ كرده‌وه‌ی جوان

با دڵ و چاوم تێر بێ

ڕێگه‌م گوڵزار و خێر بێ

تا له‌گه‌ڵ خه‌ڵكا چاك بم

خاوه‌ن بیری ڕووناك بم

 *****

قورئانم بۆ بهێنه‌

ئامۆژگاری ده‌ربێنه‌

په‌روه‌رده‌م كه‌ به‌ قورئان

تا بزانم مانای ژیان

گه‌لانی بێ په‌روه‌رده‌

پڕ له‌ تاوان و ده‌رده‌

خه‌ڵكی تیا چه‌وساوه‌یه‌

چرای تیا كوژاوه‌یه‌

دوورن له‌ ئارامی و سۆز

له‌ خێزان و كه‌س و هۆز

ته‌نها تیشكی قورئانه‌

دڵی پێ ئاوه‌دانه‌

مامۆستا په‌روه‌رده‌م كه‌

دوور له‌ ده‌رد و به‌ڵام كه‌

 

 

ئاماده‌كردنی: ماڵپه‌ڕی خوشكان