|
|
|
|
|
|
بنیاتنانی خووڕهوشتی منداڵ |
|
بنیاتنانی خووڕهوشتی منداڵ لهسهر چهند بنهمایهك ئهنجام دهدرێت كه ئهمانهن: بنهمای دووهم: ڕهوشتی ڕاستگۆیی - ڕهوشتی ڕاستگۆیی بنهمایهكی گرنگه له بنهماكانی خوڕهوشتی ئیسلامی, كه پێویستی به ههوڵ و كۆشش ههیه بۆ دامهزراندن و چهسپاندنی, پێغهمبهری خوا (صلى الله علیه وسلم) گرنگی داوه به چهسپاندنی ئهم ڕهوشته له منداڵاندا, وه چاودێری دایكان و باوكان دهكات بۆ دووركهوتنهوهیان له كهوتنه ناو كاری ناپهسهندی درۆ لهگهڵ منداڵهكانیان دا, وه به بنهمایهكی گشتی دادهنێت كه منداڵ مافی ئهوهی ههیه كه مرۆڤانه ههڵس و كهوتی لهگهڵ دا بكرێت و ڕێگه نهدرێت به هیچ جۆرێك ههڵبخڵهتێندرێن و پشتگوێ بخرێن له لایهن دایك و باوكیانهوه. (ابوداود) له عبدالله ی كوڕی عامرهوه دهگێڕێتهوه كه ووتوویهتی: ڕۆژێكیان دایكم بانگی كردم و پێغهمبهری خوا (صلى الله علیه وسلم) لهماڵمان بوو, دایكم ووتی وهره شتێكت بدهمێ, پێغهمبهری خوا (صلى الله علیه وسلم) پێ ی فهرموو: دهتویست چی بدهیتێ ؟ دایكم ووتی: دهمویست خورمای بدهمێ, پێغهمبهری خوا (صلى الله علیه وسلم) فهرمووی: خۆ ئهگهر هیچت پێ نهدایه ئهوا بهدرۆ لهسهرت ئهنوسرا. (ئیمام احمد)یش له ئهبو هرهیرهوه (خوا لێیان ڕازی بێت دهگێڕێتهوه كه پێغهمبهری خوا (صلى الله علیه وسلم) فهرموویهتی: ههركهسێك منداڵێك بانگ بكات و بڵێت وهره ئهوهت بدهمێ و نهیداتێ بهدرۆ بۆی ئهنوسرێت. كهواته پێویسته دایك و باوك زۆر ئاگاداری ئهم خاڵه بن چونكه بهم شێوهیه منداڵهكهیان فێری ڕاستگۆی دهكهن و ههروهها متمانهش بۆ خۆیان دروست ئهكهن لای منداڵهكه و ههر بهو شێوهیهش منداڵهكه لهوانهوه فێری ڕاست گۆی دهبێت. ماڵپهڕی خوشكـــان ************************ |
|
|
|
|
