ڕووه‌كێكه‌ كه‌شێكی جوان ده‌به‌خشێت به‌ ده‌وروبه‌ری و باشتر وایه‌ جیا بكرێته‌وه‌و به‌ته‌نها دابنرێت وه‌كو له‌ سوچێكی ناو ماڵ دابنرێت و تاكو گولًه‌ جوانه‌كه‌ی ده‌ركه‌وێت. باشتر وایه‌ تیشكی ڕاسته‌وخۆی به‌رنه‌كه‌وێت و زۆر نزیك نه‌بێت له‌ په‌نجه‌ره‌.

ئاودان: جارێك بۆ دوو جار ئاوده‌درێت له‌ حه‌فته‌یه‌ك و به‌ زستان ئاوی كه‌متر ده‌درێت، هه‌روه‌ها له‌ به‌هار تا پاییز زوو زوو سه‌مادی ده‌درێتێ.

پله‌ی گه‌رمی: پێویستی به‌ پله‌ی گه‌رمیی (15 تا 25) پله‌ی گه‌رمییه‌.

ڕۆشنایی: ڕۆشناییه‌كی مامناوه‌ندی بۆ لاوازی ئه‌وێت، واته‌ ڕۆشنایی یان تیشكی ڕاسته‌وخۆی خۆر زیانی پێ ده‌گه‌یه‌نێت جا نزیك په‌نجه‌ره‌ باش نیه‌ دابنرێت.

ته‌ڕیی و ڕتوبه‌ت: زۆربه‌ی ڕووه‌ك و ئینجانه‌ی ناو ماڵ پێویستی به‌ ته‌ڕیی هه‌یه‌و ته‌ڕ بكرێت، بۆیه‌ ئه‌میش ده‌بێت به‌رده‌وام به‌ ئاو ئاوڕشێن بكرێت یان هه‌یه‌ گه‌ڵاكانی ته‌ڕ ده‌كات و به‌ ئیسفه‌نج ده‌یسڕێت، وه‌ شتێكی زۆر باشه‌ گه‌ر سینیه‌كی پڕ به‌رد و چه‌وی گه‌ور بكرێت و پڕ ئاو بكرێت و ئه‌م ڕووه‌كه‌ش له‌ناو ئه‌و سینیه‌ دابنرێت، تاكو هه‌ڵمی ئاوه‌كه‌ وه‌ربگرێت و ه‌میشه‌ ته‌ڕ بێت. به‌ڵام ده‌بێت گه‌ر گوڵی گرت گوڵه‌كه‌ ئاوی به‌رنه‌كه‌وێت ئه‌گینا گوڵه‌كه‌ ده‌گه‌نێ وسیس ده‌بێته‌وه‌.

ئه‌م ڕووه‌كه‌ زۆر ناسك و هه‌ستیاره‌ و به‌رگه‌ی پشتگوێ خستن ناگرێت و پێویسته‌ پله‌ی گه‌رمیی هه‌میشه‌ نه‌گۆڕ بێت و له (12) پله‌ گه‌رمی دانه‌به‌زێت له‌ زستاندا.

له‌وانه‌یه‌ گه‌ڵای لێ وشك بێته‌وه‌و بكه‌وێته‌ خواره‌وه‌.

جروجانه‌وه‌ر (حشرات) زوو له‌ناویدا زاوزێ ده‌كه‌ن و ده‌ژێن.

كه‌سێك زۆر شاره‌زایی له‌ ڕووه‌ك به‌خێوكردن نه‌بێت باشتر وایه‌ ئه‌م جۆره‌ به‌خێو نه‌كات چونكه‌ وه‌كو باسكرا زۆر هه‌ستیاره‌.