ئه‌م پێكهاته‌ (10 - 12) نان (كێك)ی پێ دروست ده‌كرێت.

پێویستی یه‌كانی/

(4) هێلكه‌، (2/1) نیو كه‌وچكی چا خوێ ، (1) كه‌وچكی چا پیكن پاوده‌ر ، (1) كه‌وچكی چێشت شه‌كه‌ر ، (350) ملم شیر ، (300) گرام ئارد ، كه‌مێك ڕۆن بۆ سووركردنه‌وه‌.

ئاماده‌كردنی:

1-  هێلكه‌كان جوان خاو ده‌كرێته‌وه‌.

2- كه‌ره‌سه‌كانی تری تێ ده‌كرێت و هه‌موو جوان تێك ده‌كرێت تا هه‌ویرێكی شلی لێ دروست ده‌كرێت و بۆ ماوه‌ی (5) ده‌قه‌ داده‌نرێت.

3- كه‌مێك ڕۆن له‌ تاوه‌یه‌كدا گه‌رم ده‌كرێت و پڕ به‌ كه‌وچكێكی شله‌ی قووڵ له‌ هه‌ویره‌كه‌ ده‌كه‌یته‌ ڕۆنه‌كه‌وه‌ و كه‌مێك به‌ تاوه‌كه‌دا بڵاوی ده‌كه‌یته‌وه‌ تا شێوه‌ خڕێك وه‌رده‌گرێت و هه‌ویره‌كه‌ وای لێ دێت خۆی ده‌گرێت و سوور ده‌بێته‌وه‌، زوو زوو له‌لایه‌كێوه‌ سه‌یری ئه‌ودیوی تری ده‌كه‌یت كه‌ هه‌ندێ قاوه‌یی بوو ئه‌وا هه‌ڵی ده‌گێڕی تا دیوه‌كه‌ی كه‌شی به‌هه‌مان شێوه‌ سور ده‌بێته‌وه‌.

4- به‌م شێوه‌یه‌ كه‌وچك به‌ كه‌وچك كێكه‌كان (یان نانه‌كان) دروست ده‌كرێت.

تێبینی (1): (ڕۆن) ته‌نها بۆ چه‌وركردنی تاوه‌كه‌ به‌كار دێت زۆر به‌كه‌می، ناوبه‌ناو كه‌ تاوه‌كه‌ وشك ده‌بێت كه‌مێك ڕۆنی تێ ده‌كرێته‌وه‌.