پێویستی یه‌كانی:-

1 (یه‌ك) كیلۆ باینجانی گه‌وره‌، 3\4 (سێ روبع) كیلۆ گۆشتی قیمه‌، 2 ده‌سك كه‌ره‌وز، 1 سه‌لك پیاز، خوێ، به‌هارات، 1\2 (نیوكیلۆ) ته‌ماته‌، 2 كه‌وچك چێشت ئارد.

ئاماده‌كردنی:

1- پاش شتنه‌وه‌ی باینجانه‌كه‌، قاش قاش ده‌كرێت به‌درێژی وخوێی پێوه‌ ده‌كرێت و پاشان له‌ڕۆندا سوورده‌كرێته‌وه‌.

2- پیازه‌كه‌ وورد ده‌كرێت وكه‌ره‌وزه‌كه‌ ده‌جنرێت به‌وردی

3- پیازو كه‌ره‌وزه‌كه‌ تێكه‌ڵ به‌ قیمه‌كه‌ ده‌كرێن وخوێ وبه‌هاره‌ته‌كه‌ی پێوه‌ ده‌كرێت، پاشان به‌ ئارده‌كه‌وه‌ هه‌ڵده‌شێلدرێت وتێكه‌ڵه‌یه‌ك (هه‌ویرێك)ی لێ دروست ده‌كرێت.

4- له‌ تێكه‌ڵه‌كه‌ (هه‌ویره‌كه‌) پارچه‌ پارچه‌ی له‌ شێوه‌ی كه‌بابی لێ دروست ده‌كرێت به‌ئه‌ندازه‌ی په‌نجه‌یه‌ك گه‌وره‌ بێت وله‌ناو ڕۆندا سوور ده‌كرێته‌وه‌.

5- هه‌ر كه‌بابێك به‌ قاشێك باینجانه‌وه‌ ده‌پێچرێته‌وه‌ (به‌ لاسیكی كه‌ره‌وزه‌كه‌) و له‌ مه‌نجه‌ڵێكدا به‌ته‌نیشت یه‌كه‌وه‌ دا ده‌نرێت.

6- ته‌ماته‌كه‌ ده‌گوشیت به‌سه‌ریاندا وخوێی پێوه‌ ده‌كه‌یت. له‌كۆتاییدا ده‌خرێته‌ سه‌ر ئاگرێكی هێواش تا پێ ده‌گات وئاوه‌كه‌ی خه‌ست ده‌بێته‌وه‌. به‌م شێوه‌یه‌ له‌گه‌ڵ برنج پێشكه‌ش ده‌كرێت.