پێویستی یه‌كانی:-

1\2 (نیو) كیلۆ گۆشتی مه‌ڕ كه‌مێك چه‌ور بێت، خوێ، به‌هارات، لیمۆ، ئاوی پیاز، چه‌ند پارچه‌یه‌ك چه‌وری (دووگ).

ئاماده‌كردنی:

1- گۆشته‌كه‌ ده‌كرێت به‌ پارچه‌ پارچه‌ی بچوك و خوێ و به‌هارات و لیمۆ و ئاوی پیازی لێ ده‌درێت و بۆماوه‌ی (1/2) نیو كاتژمێر به‌جێ ده‌هێڵدرێت. یاخود هه‌ندێ جار پیازه‌كه‌ به‌پارچه‌ پارچه‌كراوی تێكه‌ڵ ده‌كرێت بۆ ناسك كردنه‌وه‌ی گۆشته‌كه‌.

2- گۆشته‌كه‌ ده‌كرێت به‌ شیشی تایبه‌تی خۆی و لێی ده‌درێت (ئه‌ویش كه‌مێك باریكه‌). ده‌توانرێ له‌نێوان گۆشته‌كاندا چه‌وری و هه‌روه‌ها پارچه‌ پیاز و ته‌ماته‌ و بیبه‌ری سه‌وز لێ بدرێت.

3- پارچه‌یه‌ك نان ئاماده‌ ده‌كرێت كه‌ گۆشته‌كه‌ی به‌گه‌رمی له‌گه‌ڵ سه‌وزه‌ (ته‌ڕه‌تیزه‌ و كه‌وه‌ر) پێشكه‌ش ده‌كرێت.