1\2 (نیو) كیلۆ گۆشتی مه‌ڕ، 1\2 (نیو) كیلۆ ته‌ماته‌، 2 دانه‌ په‌تاته‌، 2 سه‌لكه‌ پیاز، ڕۆن، خوێ، به‌هارات.

1- گۆشت، پیاز، ته‌ماته‌ و په‌تاته‌كه‌ (دوای پاككردنی) باش ده‌شۆردرێنه‌وه‌ و پارچه‌ پارچه‌ ده‌كرێن.

2- گۆشته‌كه‌ له‌ ڕۆندا سور ده‌كرێته‌وه‌، پاشان كه‌مێك ئاوی تێ ده‌كرێت وه‌ له‌سه‌ر ئاگرێكی مام ناوه‌ندی داده‌نرێت هه‌تا باش دێته‌ كوڵ و ئاوه‌كه‌ی وشك ده‌بێت.

3- ئینجا پیاز و په‌تاته‌ و ته‌ماته‌كه‌ی ده‌كرێته‌ سه‌ر، خوێ و به‌هاراتی پێوه‌ ده‌كرێت وه‌ (3 - 4) كوپ ئاوی تێ ده‌كرێت و ده‌خرێته‌ سه‌ر ئاگر هه‌تاكو تۆزێك ئاوه‌كه‌ی كه‌م ده‌كات.

4- پاش ئاماده‌كردنی به‌ گه‌رمی پێشكه‌ش ده‌كرێت.

ماڵپه‌ڕی خوشكان هه‌ستا به‌ دروستكردنی ئه‌م خواردنه‌ تاكو بتوانرێ وێنه‌كه‌ی دابنرێت خوشكه‌ ئازیزه‌كانیشمان بیبینن چۆن ده‌رچووه‌و سوودی لێ ببینن: