نیو كیلۆ ئارد، كوپێكی بچوك كه‌ره‌ی تواوه‌، خوێ، نیو كه‌وچك خومره‌ی فه‌وری، كه‌وچكێك پیكن پاوده‌ر، شیری گه‌رم به‌پێی پێویست، كونجی و ڕه‌شكه‌ بۆ ڕازاندنه‌وه‌ی سه‌ری.

نیو كیلۆ گۆشت، دوو كوپ سه‌وزه‌ی ناو فرێزه‌ر (وه‌كو به‌زالیا و گوێزه‌ر وقه‌رنابیت)، یه‌ك پیازی هه‌ڕڕاو، بیبه‌رێك، سیر، دوو كه‌وچكی دۆشاوی ته‌ماته‌، به‌هارات و خوێ، كه‌ره‌وز.

كه‌ره‌سته‌كانی هه‌ویركه‌ (ئارد، خوێ، خومره‌، پیكن پاوده‌ر، شیر) تێكه‌ڵ به‌یه‌ك ده‌كه‌ین و جوان ده‌یشێلین تا هه‌ویرێكی نه‌رم و لاستیكی لێ ده‌رده‌چێت و پاشان چه‌وری ده‌كه‌ین به‌ كه‌ره‌ و پارچه‌ پارچه‌ی بچوك له‌شێوه‌ی گونكی لێ دروست ده‌كه‌ین و جێی دێڵین له‌شوێنێكی گه‌رم.

له‌م كاته‌دا كه‌ره‌سته‌ی ناوه‌وه‌ی ئاماده‌ ده‌كه‌ین، به‌م شێوه‌یه‌:

1- پیازه‌كه‌ ده‌كه‌ینه‌ ناو ڕۆنه‌وه‌ تاكو سور ده‌بێته‌وه‌، پاشان سیره‌كه‌ و له‌دواییدا بیبه‌ره‌كه‌.

2- گۆشته‌كه‌ی تێ ده‌كه‌ین باش تێكی ده‌ده‌ین.

3- سه‌وزه‌واته‌كه‌و به‌هارات و خوێ و دۆشاوی ته‌ماته‌ و كه‌ره‌وزه‌كه‌و هه‌ندێ ئاوی تێ ده‌كه‌ین. به‌جێی ده‌هێڵین تاكو هه‌موو ئاوه‌كه‌ی نامێنێ.

4- گونكه‌كان به‌ لاكێشه‌یی پان ده‌كه‌ینه‌وه‌و له‌ كه‌ره‌سته‌كه‌ی ده‌كرێته‌ سه‌ر و لولی ده‌ده‌ین و به‌ده‌وری خۆیدا سوڕی ده‌ده‌ین (سه‌یری وێنه‌كان بكه‌).

5- هه‌موویان ده‌خرێته‌ سه‌ر سینی و چه‌ور ده‌كرێن به‌ كه‌ره‌ و ده‌خرێنه‌ ناو فڕنی و ده‌برژێندرێن.