كه‌ره‌سته‌كان:-

نیو كیلۆ گۆشت

500 گرام برنج

دۆشاوی ته‌ماته‌ (به‌پێی پێویست)

(3) دانه‌ ته‌ماته ، (3) باینجان ، (3) كوله‌گه ، (3) پیاز.

یه‌ك ده‌سك سڵق

یه‌ك كه‌وچكی چێشت له‌ كاری

ڕۆن به‌پێی ئاره‌زوو

یه‌ك ده‌سك كه‌ره‌وز

دوو دانه‌ پیاز بۆناو برنجه‌كه‌

نیو كیلۆ قیمه‌

ئاماده‌كردنی

گۆشته‌كه‌ نیوه‌ كوڵێك ده‌كرێت و له‌ ناوه‌ڕاستی بنی مه‌نجه‌ڵه‌كه‌ داده‌نرێت

برنجه‌كه‌ ده‌شۆردرێته‌وه‌

باینجان و كوله‌گه‌ و پیازه‌كه‌ هه‌ڵده‌كۆڵین و هه‌مووی سوور ده‌ه‌ینه‌وه‌

ته‌ماته‌كه‌ش هه‌ڵده‌كۆڵین و پیاز و كه‌ره‌وزه‌كه‌ ده‌جنین و له‌گه‌ڵ دۆشاو و قیمه‌كه‌ خوێ و كاری یه‌كه‌ ده‌یكه‌ینه‌ ناو برنجه‌كه‌

ده‌ست ده‌كه‌ین به‌ پێچانه‌وه‌ و له‌ناوه‌ڕاستی مه‌نجه‌ڵه‌كه‌ گۆشته‌كه‌ داده‌نێین و پاشان به‌ ده‌وریدا یاپراخ (سڵق) ڕیز ده‌كه‌ین

ئه‌ندازه‌ی برنجه‌كه‌ش چه‌ند كوپ برنج بێت ئه‌وه‌نده‌ ئاوی ده‌وێت

كاتژمێرێك له‌سه‌ر ئاگر داده‌نرێت: سی ده‌قه‌ی یه‌كه‌م له‌سه‌ر ئاگریكی خێرا و سی ده‌قه‌كه‌ی دووهه‌م له‌سه‌ر ئاگرێكی كه‌م. پاشان ده‌كوژێنرێته‌وه‌و پاش ماوه‌ی (15) ده‌قه‌ ده‌خرێته‌ سه‌ر سینیه‌ك و پێشكه‌ش ده‌كرێت.

تێبینی:

ده‌توانرێت ڕیزی یاپره‌خه‌كان به‌م شێوه‌ بێت: ڕیزی یه‌كه‌م سڵق بێت و ڕیزی دووهه‌م كه‌ره‌سته‌كان وه‌كو پیاز و ته‌ماته‌ و باینجان و گه‌ر هه‌ندێك له‌ گۆشته‌كه‌ مابوه‌وه‌ ده‌یخه‌ینه‌ ڕیزی سێهه‌م و پاشان ڕیزێك سڵق و پاشان ڕیزێك كه‌ره‌سته‌... به‌م شێوه‌یه‌ تا مه‌نجه‌ڵه‌كه‌ پڕ ده‌بێت.

تیبینی: وێنه‌كان له‌لایه‌ن شادان خانه‌وه‌ نێردراوه‌ بۆ ماڵپه‌ڕی خوشكان و تیایدا هه‌نگاوه‌كان ڕوون كراوه‌ته‌وه‌