پێویستی یه‌كانی:-

(2) په‌رداخ ئارد، (1) په‌رداخ نیشاسته ، (1) په‌رداخ په‌تاته‌ی كولاوی هاڕڕاو ، (1) كیسه‌ بچوكی ڤانێلا ، (خومره‌) ، تۆزێك خوێ ، ڕۆن ، شه‌كر بۆ شیله‌كه‌.

ئاماده‌كردنی:

1- په‌تاته‌كه‌ ده‌كوڵێنیت بۆ ماوه‌ی (20) خوله‌ك و پاشان پاكی بكه‌ و له‌ ڕننه‌ی بده‌ و یه‌ك په‌رداخی لێ ده‌رده‌چێت.

2- ئارد و نیشاسته‌ وپه‌تاته‌ هاڕڕاوه‌كه‌ جوان تیكه‌ڵ ده‌كه‌یت هه‌تا په‌تاته‌كه‌ له‌ناو ئارده‌كه‌ دیار نامێنێت.

3- تۆزیك خوێی تێ بكه‌.

4- كیسه‌ ڤانێللاكه‌ و له‌گه‌ڵ خومره‌كه‌ی تێ بكه‌.

5- یه‌ك په‌رداخ ئاوی تێكه‌ڵ بكه‌ و جوان بیشێله‌ و بۆماوه‌ی (30) خوله‌ك هه‌ویره‌كه‌ دابنێ.

6- مه‌نجه‌ڵیك دێنیت و نیوه‌ی پڕ ئه‌كه‌یت له‌ زه‌یت و جوان ده‌یقرچێنیت.

7- به‌ كه‌وچكێكی چێشت له‌ هه‌ویره‌كه‌ی تێ ئه‌كه‌یت و جوان سوری ئه‌كه‌یته‌وه‌ و پاشان بیخه‌ره‌ ناو شیله‌كه‌وه‌.

تێبینی: له‌پاش ده‌رهێنانی له‌ شیله‌كه‌ ده‌توانرێت (گویزی هندی) به‌سه‌را بكرێت.

دروستكردنی شیله‌كه‌ی:

(3) په‌رداخ شه‌كر بۆ یه‌ك په‌رداخ ئاو و تۆزیك هێلی هاڕڕاوی تێ ده‌كه‌یت.

ده‌یكوڵێنیت بۆ ماوه‌ی (3) خوله‌ك و پاشان دایده‌نێیت تا سارد ده‌بێته‌وه‌.

كاتیك لوقمه‌ قازیه‌كه‌ سوور ده‌كه‌یته‌وه‌ یه‌كسه‌ر بیخه‌ره‌ ناو شیله‌كه‌ و دوای ده‌ری بهێنه‌و بیخه‌ره‌ ناو قاپێكی تر.