پێویستی یه‌كانی:-

یه‌ك په‌رداخ ئارد، یه‌ك هێلكه‌، یه‌ك په‌رداخ ئاو، تۆزێ خوێ، كه‌وچكێكی چێشت كه‌ره‌، یه‌ك كه‌وچكێ زه‌ڵاته‌ له‌ پیكن پاوده‌ر، هێل یان ڤانێلا، ڕۆن بۆ سووركردنه‌وه‌ی، شیله‌ بۆ به‌سه‌ركردنی.

دروستكردنی

1- په‌رداخه‌ ئاوه‌كه‌ ده‌كوڵێنی و كه‌وچكه‌ كه‌ره‌كه‌ی تێ ده‌كه‌یت له‌گه‌ڵ تۆزێ خوێ.

2- ئاوه‌كه‌ به‌كوڵاوی ورده‌ ورده‌ په‌رداخه‌ ئارده‌كه‌ی تێ ده‌كه‌ی و جوان به‌كه‌وچك تێكی ده‌ده‌ین نه‌وه‌ك تۆپه‌ڵ ببێت، پاش ساردبونه‌وه‌ی هه‌ویره‌كه‌ جوان به‌ ده‌ست ده‌شێلدرێت.

3- (به‌ساردبووه‌یی) هێلكه‌، پاشان كه‌وچكه‌ پیكن پاوده‌ره‌كه‌ی تێ ده‌كه‌ین له‌گه‌ڵ هێل و ڤانێلا، بۆ ماوه‌یه‌ك داده‌نرێت تا ڕۆنه‌كه‌ سوور ده‌كه‌یت.

4- گیراوه‌ی هه‌ویره‌كه‌ ده‌كه‌ینه‌ ناو عه‌لاگه‌یه‌كه‌وه‌ و سوچی خواره‌وه‌ی كونێكی بچوكی لێ ده‌كه‌ین و كه‌م كه‌م هه‌ویره‌كه‌ ده‌كه‌ینه‌ ناو ڕۆنه‌ گه‌رمه‌كه‌.

5- ده‌توانی شێوه‌ی بازنه‌یی لێ دروست بكه‌یت یان هه‌ر به‌ئاسایی به‌درێژایی ده‌ (10) سانتیمه‌تر ببێت.

6- پاش ته‌واوكردنی هه‌موو، شیله‌ ده‌كرێت به‌سه‌ریا، شێله‌كه‌ش ده‌بێت پێشتر ئاماده‌ت كردبێت و به‌ساردی بكرێت به‌سه‌ریدا.

تێبینی/ بۆ هه‌ر خوشكێك گه‌ر بیه‌وێت تۆزێك (بامێ‌یه‌كه‌) ڕه‌ق تر ده‌ربچێت، ده‌توانێت نیو كه‌وچكی چێشت خواردن ماده‌ی (نیشاسته‌)ی تێ بكات.

شێوه‌ی دروستكردنی شیله‌كه‌:

1- یه‌ك كوپ و نیو شه‌كر, سێ چاره‌كی كوپێك ئاو, سه‌ره‌ كه‌وچكێكی چا لیمۆندۆزی، وه‌ گوڵاوو به‌ پێ ی ئاره‌زوو.

2- شه‌كره‌كه‌ ده‌كرێته‌ ناو ئاوه‌كه‌ و ده‌خرێته‌ سه‌ر ئاگر، پاشان لیمۆندۆزی و گوڵاوه‌كه‌ تێ ده‌كرێت وبه‌كه‌وچكێك جوان تێكی ده‌ده‌ین تا ورده‌ ورده‌ خه‌ست ده‌بێت.

تێبینی/ نابێت شیله‌كه‌ زۆر خه‌ست بێت.