پێویستی یه‌كانی:-

(2 - 3) سه‌لك په‌تاته‌, (1) كوپ مه‌عكه‌رۆنه‌, (500) غرام گۆشت, (4 - 5) ده‌نك سیر, نیو كه‌وچكی زه‌ڵاته‌ بیبه‌ری ڕه‌ش, روبعه‌ په‌رداخێك زه‌یت, (1) پارچه‌ له‌ئاوی مریشك (دجاج ماجی).

تێبینی:

ئه‌م كه‌ره‌ستانه‌ بۆ (6 - 8) كه‌س ئاماده‌ ده‌كرێت وه‌ ده‌توانرێت كه‌م بكرێته‌وه‌ به‌ پێ‌ی ژماره‌ی كه‌سه‌كان, ماوه‌ی ئاماده‌كردنی (15 - 20) ده‌قه‌یه‌, ماوه‌ی پێگه‌یشتنی (50 - 60) ده‌قه‌یه‌.

دروستكردنی:

1- گۆشته‌كه‌ ده‌شۆرێته‌وه‌و پارچه‌ پارچه‌ ده‌كرێت‌و ده‌خرێته‌ سه‌ر ئاگر تا كه‌مێك ده‌كوڵێت.

2- پیازه‌كه‌ پاك ده‌كرێت‌و ورد ده‌كرێت به‌پارچه‌ی گه‌وره‌و ده‌شۆرێته‌وه‌.

3- زه‌یته‌كه‌ ده‌كرێته‌ ناو مه‌نجه‌ڵێكه‌وه‌و ده‌خرێته‌ سه‌ر ئاگرێكی به‌هێزو, وه‌ پیازه‌كه‌ی تێده‌كرێت به‌ كه‌وچكێكی ته‌خته‌ تێك ده‌درێت تا جوان سور ده‌بێته‌وه‌.

4- پاشان سیرو بیبه‌ره‌ ڕه‌شه‌كه‌و خوێ‌و گۆشته‌ كوڵاوه‌كه‌و ئاوی مریشكه‌كه‌ (دجاج ماجی) ده‌كرێته‌ ناو مه‌نجه‌ڵه‌كه‌وه‌ له‌سه‌ر ئاگرێكی مامناوه‌ند به‌جێ ده‌هێڵرێت.

5- له‌م ماوه‌یه‌دا په‌تاته‌كه‌ پاك ده‌كرێت‌و پارچه‌ پارچه‌‌ی بچوك ده‌كرێت‌و ده‌شۆرێته‌وه‌و ده‌كرێته‌ ناو شۆرباكه‌وه‌ له‌گه‌ڵ په‌رداخه‌ مه‌عكه‌رۆنه‌كه‌ له‌سه‌ر ئاگرێكی هێواش داده‌نرێت بۆ ماوه‌ی (20) ده‌قه‌ تا پێ ده‌گات.

6- دواجار شۆرباكه‌ كه‌ره‌ی ده‌كرێت به‌سه‌رداو به‌گه‌رمی پێش‌كه‌ش ده‌كرێت.